Home » » පොසොන් සඳයි-සරසවියයි පොසොන් සඳයි-අරගලයයි.

පොසොන් සඳයි-සරසවියයි පොසොන් සඳයි-අරගලයයි.

Written By මහා ශිෂ්‍ය සංගමය - රජරට විශ්වවිද්‍යාලය on Sunday, June 15, 2014 | 2:22 PM

විශ්වවිද්‍යාල පරිපාලනය මගින් ලබා දී ඇති අසාධාරණ පන්ති තහනම් 27 ඉවත් කිරීම ඇතුලූ ඉල්ලීම් නවයක් මුල් කරගනිමින් ශ‍්‍රී ලංකා රජරට විශ්වවිද්‍යාලයේ සිසුන් ආරම්භ කර ඇති අඛණ්ඩ සත්‍යග‍්‍රහයට අදට (15) දින 188 කි.

පසුගිය 09 වනදා විශ්වවිද්‍යාල පරිපාලනය හා රජරට විශ්වවිද්‍යාලයීය මහා ශිෂ්‍ය සංගමය අතර පැවති සාකච්ඡුාවකදී විශ්වවිද්‍යාල පරිපාලනය මගින් දන්වා සිටියේ සිසුන්ගේ අවම ඉල්ලීම වන අසාධාරණ පන්ති තහනම් 27 ඉවත් කිරීමට විසඳුමක් ලෙස සිසුන් 7දෙනෙකුගේ පන්ති තහනම් ඉවත් කර ඇති බවත් තවත් සිසුන් 11 දෙනෙකුගේ පන්ති තහනම් වසරකට සීමා කර ඇති බවත් පූර්ණ වශයෙන් පන්ති තහනම් ඉවත් කිරීමක් තවදුරටත් සිදුනොකෙරෙන බවත්ය.මෙ
ය සම්පූර්ණ අසත්‍ය ප‍්‍රකාශයක් වන අතර පන්ති තහනම් ඉවත් කිරීමක් මෙහිදී සිදු කර නොමැති අතර, සිසුන්ට ලබා දී ඇත්තේ අත්හිටවූ පන්ති තහනම්ය.

එමෙන්ම ඔවුන්ගේ ඉල්ලීම වූයේ එළඹෙන පොසොන් සමය හේතුවෙන් සත්‍යග‍්‍රහය නැවැත්විය යුතු බවත් එය පැවැත්වීමෙන් විශ්වවිද්‍යාලයට මහත් අපකීර්තියක් වන බවත්ය. නමුත් අපගේ විශ්වාසය අනුව නම් අපකීර්තියක් ඇති වන්නේ අරගලය තිබීම නොව උද්ඝෝෂණය කිරීම, අත්පත‍්‍රිකා බෙදාදීම සහ ශිෂ්‍ය ගැටලූ සාකච්ඡුා කිරීම සඳහා රැුස්වීම් පැවැත්වීම යන කාරණා මූලික කරගෙන ශිෂ්‍යයින්ට අභූත චෝදනා නගමින් පන්ති තහනම් කිරීමට කටයුතු කරන උපකුලපතිවරයා ඇතුළු මුග්ධ පරිපාලන නිලධාරීන් නිසාවෙන්ය.

නමුත් පොසොන් පොහෝ දින වනවිට රජරට විශ්වවිද්‍යාලයීය මහා ශිෂ්‍ය සංගමය විසින් සංවිධානය කෙරුණේ ”පොසොන් සඳයි-සරසවියයි පොසොන් සඳයි-අරගලයයි” වැඩසටහනයි. අඛණ්ඩ සත්‍යග‍්‍රහය අතරතුරදී වුවද පොසොන් පොහොය වෙනුවෙන් පසුගිය වසර වලදී මෙන්ම මෙවරද පහන් කූඩු වලින් නිර්මාණය කරන ලද තොරණ, ඔසුපැන් දන්සැල සහ බැති ගී ප‍්‍රසංගය පවත්වනු ලැබීය. එමෙන්ම තවමත් නිමා නොවූ අරගලය පිළිබඳව ජනතාව දැනුවත් කිරීම සහ විරෝධතා බැනරයක් අත්සන් කිරීමේ වැඩසටහනක්ද විශ්වවිද්‍යාලය ඉදිරිපිටදී පැවැත්විණ. 

විවිධාකාර කරුණු ඉදිරිපත් කරමින් උපකුලපතිවරයා ඇතුළු විශ්වවිද්‍යාල පරිපාලනය සත්‍යග‍්‍රහය නැවැත්විය යුතු බව ප‍්‍රකාශ කළද අප නැවතත් දන්වනු ලබන්නේ කිසිදු කොන්දේසියකින් තොරව පන්ති තහන්ම් 27 ඉවත් කිරීමට කටයුතු කළ යුතු බවත් අනෙකුත් ඉල්ලීම් වෙනුවෙන්ද විසඳුම් ලබා දිය යුතු බවත්ය. ඒ අනුව පන්ති තහනම් සියල්ල ඉවත් කරන තුරු අඛණ්ඩ සත්‍යග‍්‍රහය ක‍්‍රියාත්මක කිරීමට අප තීරණය කර ඇති අතර දැඩි ශිෂ්‍ය ක‍්‍රියාමාර්ග ගැනීමට ද අප තීරණය කර ඇත.

Share this article :

0 comments:

Post a Comment